Дуучин Т.Ариунаа

Дуучин Т.Ариунаа “Гайхамшигт үдэш”-ийн нууцаа тун удахгүй задална
Монгол Улсын гавьяат жүжигчин, НҮБ-ын Хүүхдийн сангийн Элч дуучин Т.Ариунаа ирэх сарын 16, 17-нд “Гайхамшигт үдэш” тоглолтоо хийнэ.
Сүүлийн нэг жил гаруйн туршид элдэв сенсаци дагуулсан уг тоглолтын үнийг сэтгүүлчид “100, 200 ам.доллар байх гэнэ” хэмээн урьтаж зарласан ч Т.Ариунаа болон түүний багийнхны зүгээс албан ёсоор зарлаагүй юм.
Тэгвэл “Гайхамшигт үдэш” тоглолтын хэвлэл мэдээллийн асуудал хариуцсан багийнхан ирэх долоо хоногт эрос хатагтайн тоглолтын үнэ хэд байх, үзэгчдэд ямар шинэ уран бүтээл толилуулах, мөн хувцас гоёл, тоглолтын бэлтгэл ажлын эргэн тойрны тухай сонирхолтой мэдээллүүдийг шүтэн бишрэгчдэд нь хүргэж эхлэх нь ээ.
Мэдээж хэрэг, дуучин Т.Ариунаагийн тоглолт бүр цочир сонин сюрпризээр дүүрэн байдаг.