Томуу эмчилдэг хуучны сайн аргууд Эй/Эйч1Эн1/ вирустэй тэмцэхэд ч үр нөлөөтэй юм. Зөгийн балтай нимбэгний шүүс, түүнчлэн байгалийн антибиотикууд агуулдаг сонгино, сармис хүний дархлааг сайжруулж, шинэ томуугаас хамгаална. Египетийн хэвлэлд ингэж бичжээ.
Зуны халуунд вирусийн идэвхи суларч, харин намар-өвлийн цагт шинэ томуугаар олноор өвчлөх аюул ихсэнэ гэж Элэг, дотоод эрхтнүүдийн судалгааны үндэсний төвийн профессор Саид Шалаби хэлсэн байна. Жилийн хүйтэн сэрүүн улиралд шувууны болон хүний ердийн томуугийн вирусийн генийн хэлбэрүүд өөрчлөгдөх аюул ихэсдэгийг доктор Шалаби сэрэмжлүүлжээ. Энэ нь улмаар ялангуяа дархлаа султай хүмүүсийн дунд түргэн тархаж болох томуугийн вирусийн шинэ хэлбэр гарч ирэх аюул агуулж байна гэж профессор дурджээ.
Шинэ томуугаас урьдчилан сэргийлэх үр нөлөөтэй арга хэрэгсэл байхгүй нөхцөлд уламжлалт анагаах ухаан ашиг тустай байж болох юм гэж эрдэмтэн хэлсэн байна.
Subscribe to:
Post Comments (Atom)
No comments:
Post a Comment